Dra. Marta García Telmo
Fundadora e directora
Nº de colexiado: 3600621
Marta é o corazón e a visión do Hospital Veterinario do Salnés. Veterinaria en exercicio desde 1998, leva máis de 25 anos dedicada ao coidado dos animais e ao acompañamento das súas familias.
En 2015 asumiu a Clínica Veterinaria de Portonovo, impulsando o seu crecemento e consolidándoa como un referente na comarca. En 2024 deu un paso máis coa creación do Hospital Veterinario do Salnés, integrando varios centros baixo unha mesma filosofía.
A súa traxectoria clínica estivo sempre moi vinculada á cirurxía e á odontoloxía, áreas nas que desenvolveu gran parte da súa experiencia profesional.
A creación do hospital 24 horas nace do seu compromiso coa comarca: garantir que ningún animal quede sen atención cando máis o precisa.
